Дөньядагы иң сөйкемле сабый син!

Дөньядагы иң матур бала Русиядә яши.

Мәскәү шәһәреннән 6 яшьлек Алина Якупованы социаль челтәрләрдә дөньядагы иң матур бала булуын таныганнар. Кызның аккаунтына 23 меңнән артык кеше язылган. Әлбәттә, аны баланың әнисе алып бара.

Алинага төрле илләрдән кешеләр соклануларын белдереп язалар икән. Аның Инстаграмы"Син кечкенә Барби!", "Искиткеч матурсың!", "Дөньядагы иң чибәр бала!" кебек мактау сүзләре белән тулган.

Әйткәндәй, әле кечкенә булса да Алина инде шактый танылу яулаган. Ул 4 яшеннән модель булып эшли, журналларда басыла, эре компанияләрнең реклама проектларында катнаша. Кызның үз менеджеры да бар хәтта.