-26 °С
Болытлы
Журналга язылу
Барлык яңалыклар
Балачак илендә
17 декабрь 2019, 14:45

Чыршы, чыршы, без сине сагынып көттек ел буе!

Уфадагы башкала һәм социаль чыршы бәйрәмендә 2 меңнән артык бала катнашачак.

Шәһәр мәгариф идарәсе җитәкчесе Елена Хаффазова оператив киңәшмәдә хәбәр иткәнчә, быел башкала чыршысы Шәһәр мәдәният сараенда узачак. 23 декабрьдә Яңа ел бәйрәменә 300 инвалид бала һәм сәламәтлекләре буенча мөмкинлекләре чикле балалар һәм аларның әти-әниләре киләчәк.
24 декабрьдә бәйрәмне сәләтле балалар, уку алдынгылары, фән олимпиадаларында һәм спорт ярышларында җиңүчеләр, үзешчән сәнгать фестивальләре лауреатлары, Русия Эчке эшләр министрлыгы хезмәткәрләре һәм хәрбиләр гаиләләрендәге балалар, шулай ук, күпбалалы гаиләләрдән булган балалар өчен 1 026 укучы оештыра.
24 декабрьдә Яңа ел тантанасын 750 ятим һәм ата-ана каравыннан мәхрүм калган балалар өчен оештырачаклар.
Моннан тыш, өйгә килеп, бәйрәм белән инвалид балаларны Кыш Бабай һәм Кар кызы котлаячак. Аларга бүләкләрне “Балаларга Яңа ел бүләк ит" акциясе кысаларында спонсорлар һәм предприятиеләр бирәчәк.
“Яхшылык кыл” проекты кысаларында 20 декабрьдән 10 гыйнварга кадәр Уфа мәктәпләре укучылары педагоглар белән дәваханәләрдә, интернат-мәктәпләрдә булачак, театральләштерелгән тамашалар күрсәтәчәк һәм биналарны Яңа ел белән бизәүне оештыра.
Читайте нас в