Рөстәм Нәбиев нигә шулай шатлана?

Чакмагыш районы егете Рөстәм Нәбиевның тормышы күпләрне кызыксындыра. Якташыбыз 2015 елның 12 июлендә булган Омск фаҗигасендә ике аяксыз калган иде. Танылган блогер Рөстәм Нәбиев гаиләсендә бүген сөенечле вакыйга: соклангыч һәм матур парның икенчегә кызлары туган! Бәхетле мизгелләр кичерүче әти шатлыгы белән Инстаграмдагы меңләгән подписчиклары белән бүлешкән.
"4:35тә безнең Әминә исемле сөйкемле, матур кызыбыз дөньяга килде. Буе - 54, авырлыгы - 3810 гр", - дип яза Рөстәм.

Нәни сеңелесен София да түземсезлек белән көтте. Без дә Әминәнең әти-әниле, игелекле бала булып үсүен телибез!

фото: instagram.com/rustam_nabiev92