Әни ярдәмчеләре

8 Март бәйрәме алдыннан 7 нче модельле балалар китапханәсендә “Әни ярдәмчеләре”уены үткәрелде. Икенче сыйныф укучылары командалары алъяпкычларны бәйли, ботка өчен азык-төлек сайлый, ярмаларны аера һәм әниләренә ягымлы сүзләр әйтә белүдә көч сынашты. Кечкенә булсалар да , кызлар һәм малайлар әниләренә ничек ярдәм итә алуларын күрсәттеләр. Бәйгедә дуслык җиңде! Соңыннан балалар “Әни бәйрәме” дигән китап күргәзмәсе һәм балалар китаплары һәм журналларының ачык фонды белән таныштылар.

Зөлфия Гыйззәтуллина.

Уфа шәһәре 7 нче модельле балалар китапханәсенең мәгълүмати-консультация секторы мөдире.

Фото: Зөлфия Гыйззәтуллина.