Тылсымлы җавап

Тылсымлы җавап

- Дәү әнием,әйтче, зинһар,

Нәрсә була ул бәхет?

-Бәхет, улым,- сәламәтлек,

Бер читтә торсын тәхет!

-Дәү әнием, әйтче, зинһар,

Нәрсә була ул байлык?

-Күңелдәге аклык,пакьлек

Булмаса хөсет, тарлык!

- Дәү әнием, әйтче, зинһар,

Ничек була ярату?

-Әти-әни, һәммәсенә

Һәрвакытта җан ату!

- Дәү әнием, әйтче, зинһар,

Нәрсә соң ул соклану?

Матурлыкка, яхшылыкка

Чын күңелдән шатлану!

- Дәү әнием, әйтче, зинһар,

Нәрсә соң ул мәхәббәт?

Бар дөньяны яратудан

Җаныңа булса рәхәт!

Гөлназ Гафарова

Фото: fb.ru