Сәхнәдә — илнең иң яхшы балалар коллективлары

25 февральдә Уфа шәһәр мәдәният сарае мәйданчыгында “Төп балалар җырлары”проектында катнашучыларны кабул итте. Концертлар сериясе Җиңү музее тарафыннан «Ватанны саклаучылар» махсус хәрби операциясендә катнашучыларга ярдәм итү дәүләт фонды белән берлектә, Президент Мәдәни башлангычлар фонды ярдәме белән оештырыла. 2024 ел дәвамында ул Русия төбәкләрендә узачак, алар арасында Башкортстан да бар.

Иҗади проектны оештыручылар талантлы авторларны — шагыйрьләр һәм композиторларны ача һәм берләштерә алды. Бергә алар иң мөһим нәрсәләр: гаилә, дуслык, мәхәббәт һәм үз илләренә хөрмәт турында яңа балалар җырлары иҗат итә. Сәхнәдә илнең иң яхшы балалар коллективлары башкаруында әсәрләр яңгырый. Бүген Уфа шәһәр мәдәният сараеның залы туп-тулы иде. Концертка республиканың барлык шәһәрләреннән һәм районнарыннан махсус хәрби операциядә катнашучыларның гаиләләре чакырылган иде.

«Ватанны саклаучылар» фондының Башкортстан Республикасындагы филиалы җитәкчесе, Дәүләт җыелышы-Корылтай депутаты Гөлнур Колһарина мондый проектларны үткәрүнең мөһимлеген билгеләп үтте.

Проект Калининградта старт алды. Гастрольләр өчен илнең тагын 5 шәһәре сайланган: Түбән Новгород, Новосибирск, Екатеринбург, Уфа һәм Воронеж, аларда яшь артистлар чыгыш ясаячак. Концертларның беренче этабы Мәскәү шәһәрендә тәмамланачак.

Проект Русиянең барлык төбәкләреннән талантлы башкаручыларга һәм балалар җырлары авторларына ярдәм күрсәтә: профессиональ аранжировкалы 50 студия язмасы булдырылган, шуларның 26сына музыкаль клиплар төшерелгән. "Төп балалар җырлары “ “Балалар радиосы" һәм музыкаль телеканаллар ротациясенә кертелгән, киңкүләм чаралар үткәргәндә кулланыла.

Фото:Айгуль Мурзагалиева