Нәни принцессалар бәйрәмнең бизәге булды

Бүген Уфада бишенче традицион “Кечкенә принцессалар балы” узды. Башкорт дәүләт опера һәм балет театрына сәламәтлек мөмкинлекләре чикле кызларны — авыр тормыш хәлендә калган гаиләләрдән һәм махсус хәрби операциядә катнашучыларның балаларын чакырдылар. Нәни принцессаларны якынлашып килүче бәйрәм белән котларга республика Башлыгы Радий Хәбиров килде.

Башкортстан Башлыгының хатыны, «Бәхет территориясе» хәйрия фондының попечительләр советы рәисе Каринэ Хәбирова патронажы астында узган чарада бөтен республикадан 270ләп кеше катнашты.

Театры фойесында кечкенә принцессаларны артистлар һәм волонтерлар сәламләде һәм аларга — таҗ һәм чәчәк беләзеге, ә әниләренә бутоньерка тапшырдылар. Биредә фотозоналар, фотобудкалар, визаж студиясе эшләде. Театрның Грек залында әкият персонажлары интерактив уеннар үткәрде, чарада катнашучылар белән бергәләп җырлады һәм  биеде. Чараның иң дулкынландыргыч һәм көтелгән мизгелләренең берсе вальс булды, аны принцессалар Рудольф Нуриев исемендәге Башкорт хореография колледжы тәрбияләнүчеләре һәм курсантлар белән бергә башкарды. Бу матур чара “Тылсымлы бөртек” музыкаль спектаклен карау белән тәмамланды.

"Кадерле безнең кечкенә, сөйкемле, матур принцессаларыбыз! Кадерле әниләр, кадерле нәнәйләр, кадерле әти-әниләр. Урамда кояш, яз башы, һәм яз башында без барыбыз да илебезнең иң төп бәйрәмен, 8 Мартны көтәбез. Шуңа күрә мин бүген хатыным Каринэ белән сезне 8 Март бәйрәме белән котларга телим. Без сезгә иң изге теләкләребезне җиткерәбез. Иң мөһиме, кечкенә принцессаларыбызга бәхет телибез. Сез иң акыллы, иң матур, иң талантлы һәм бик көчле балалар, тормышыгызда барысы да яхшы булыр. Сезнең искиткеч әниләрегезгә – тәвәккәл һәм яратучан, игелекле һәм зирәкләргә чын күңелдән рәхмәт сүзләре әйтәсем килә. Мондый бәйрәмнәрнең мөмкин кадәр ешрак узуы, ә сез анда иң кирәкле катнашучылар булуы мөһим “, — диде республика Башлыгы Радий Хәбиров.

Нәни принцессаларны Радий Хәбировның  хатыны Каринэ Хәбирова бәйрәм белән котлады, ул яшь принцессаларның бәхетле йөзләрен күрү бик шатлыклы булуын билгеләп үтте.
"Кечкенә принцессалар балы — гаилә бәйрәме һәм алар күбрәк булырга тиеш. Һәр хатын-кыз, кечесеннән алып өлкәненә кадәр күбрәк җылылык һәм игътибар алу мөһим», - диде Каринэ Хәбирова.

Фото: төбәк Башлыгының социаль челтәрләрдәге битеннән.