Гасюль гаиләсендә 5 кыз һәм 5 малай үсә, әни аларга бөтен вакытын багышларга мәҗбүр.
Кичә Республика клиник перинаталь үзәгеннән унберенче сабыен тапкан Юлия Гасюльне чыгарганнар. Табиблар әйтүенчә, безнең илдә мондый очраклар көннән-көн сирәк күренеш. Статистика буенча, өчтән артык бала тәрбияләүче гаиләләр нибары 6 процент.
Гасюльлар гаиләсендә 5 кыз һәм 5 малай үсә. Хәзер инде малайлар командасы бергә артты. Яңа туган малайга Елисей дип исем кушканнар. Гаилә башлыгы әйтүенчә, ул 15 бала үстерү турында хыяллана. Гаиләдә бердәмлек, татулык, барысы да сау-сәламәт булганда, чынга ашмаслык хыял да түгел бу.
Бала тудыру йорты хезмәткәрләре Юлияне чын герой дип саный һәм күп бала табарга бик сирәкләр генә батырчылык итә, диләр.
Фото: видеодан скриншот