Өлкәннәр өчен 60тан артык фантастик һәм психологик роман язган танылган автор, сценарист Башкортстан башкаласында китап ярминкәсендә иҗади очрашу үткәрәчәк.
Автор нәшер ителгән китапларның гомум тиражы буенча беренче унлыктагы лидерлар исемлегенә керә, балалар язучысы буларак та билгеле.
Олег Рой кунакларны китап ярминкәсе чараларына барырга һәм яхшы вакыт үткәрергә чакыра.
24-26 май көннәрендә Уфада "Китап – Байрам-2024" халыкара китап ярминкәсе узачак. Ярминкә Русия Федерациясенең 18 субъектыннан нәшриятлар өчен җәлеп итү ноктасы булачак, Европа һәм Азияне әдәбият һәм китап нәшрияты аша берләштерүче мәдәни платформа булып хезмәт итәчәк.
Моннан тыш, Башкортстанда Язучылар берлеге оешуга 90 ел тулу уңаеннан Русия Язучылар берлеге пленумы узачак, ә ярминкәнең беренче көнендә «урыс шигърияте кояшы» — шагыйрь, прозаик һәм драматург Александр Сергеевич Пушкинның тууына 225 ел тулуны билгеләп үтәчәкләр.
Әдәбият эшлеклеләре, танылган заманча авторлар, актерлар, телевидение алып баручылары Уфаның Совет мәйданында узачак «Китап-байрам»да катнашачак.