6 айлык Кира да сайлауга килде!

Бүген иртән сәгать 8дә республикада 3302 сайлау участогы эшли башлады. Башкортстанда республика Башлыгы, шулай ук район һәм шәһәр Советлары депутатларын сайлаулар өч көн: 6, 7, 8 сентябрьдә уза. Урындагы вакыт белән 8:00 сәгатьтә тавыш бирү башланды.

Сайлау участогына беренчеләрдән килүчеләр арасында нәни дустыбыз – алты айлык Кира да бар. Хезмәттәшебез, “Кызыл таң” гәзите корреспонденты Ример  Насретдинов һәм аның тормыш иптәше Эльзаның сөеп туймас кызлары, гаиләләрен түгәрәк итүче бәхетләре ул. Кира да бүген иртә белән уянып, әти-әнисе белән сайлау участогына килгән.

“Без бүген республикабыз, балаларыбыз һәм гаиләбез киләчәге өчен тавыш бирдек”, - ди Ример.

Ә без гаилә башлыгына кушылып, күкләребез аяз, гаиләләребез бәхетле, төбәгебез киләчәге матур, имин булсын дип телик!

Фото: Ример Насретдинов, VK