Уфада баһадир бала туган!

Республика перинаталь үзәгендә кесарев кисүе юлы белән рекордлы авырлыктагы бала туган, дип хәбәр итә “Ufanovosti.ru” порталы.

УЗИ буенча табиблар авырлыгы 4800 грамм чамасы булыр дип уйлаганнар. Әмма чынлыкта баланың авырлыгы зуррак булып чыккан - 5200 грамм. Пациентның бу дүртенче баласы, элегрәк туган сабые 4,5 килограмм авырлыкта булган. Бу очракта авырлыкның сәбәбе – шикәр диабеты. Операцияне акушер-гинеколог Станислав Иваха ясаган.

Фото: Ufanovosti.ru