Сабыйлар өлкәннәргә бәйрәм бүләк итте!

Башкортстан Башлыгы гранты конкурсында җиңгән "ДеДство" проекты – балалар һәм ялгыз яшәүче өлкәннәр арасында үзара хезмәттәшлекне ныгытуга юнәлдерелгән. Әлеге уникаль проект балаларны, педагогларны һәм өлкәннәрне берләштерә, тәҗрибә, белем һәм хис-кичерешләр белән уртаклашу өчен мохит булдыра.

Проектның максаты – өлкәннәрнең ялын оештыру гына түгел, ә балаларга өлкәннәр турында кайгыртуның мөһимлеген аңларга, игътибар һәм ихтирам күрсәтергә өйрәнергә мөмкинлек бирү. Бәйрәм концертлары, осталык дәресләре һәм чәй эчү кебек уртак чаралар аша балалар традицияләрнең һәм буыннар бәйләнешенең кыйммәтен аңларга өйрәнә.

10 мартта "ДеДство" проектында катнашучы сабыйлар – Благовещен шәһәренең 15нче балалар бакчасы тәрбияләнүчеләре картлар йортында булды, биредә яшәүчеләргә шатлык һәм язгы кәеф бүләк итте. Халыкара хатын-кызлар көне алдыннан балалар бәйрәм концерты әзерләде, ул өлкән яшьтәге кешеләр өчен чын сюрприз булды.

Балалар күңелгә үтеп керерлек шигырьләр укыды, күңелле биюләр биеде, яраткан җырларын җырлады, ә җавап итеп елмаюлар һәм алкышлар кабул иттеләр. Педагоглар башлангычны хуплап, әби-бабайларның яшьлек җырларыннан попурри башкарды. Балалар өлкәннәргә үзләре ясаган открыткаларны тапшырды. Кечкенә сувенирлар балаларның кайгыртучанлыгы һәм игътибары символына әверелде.

Бу очрашу барлык катнашучыларда да онытылмас тәэссоратлар калдырды. Чөнки мондый чаралар буыннар арасындагы элемтәне ныгыта, балалар белән аралашудан шатлык бүләк итә һәм өлкәннәр тормышында онытылмас мизгелләр тудыра.

#ДетскийСад15Сказка
#ГрантыРБ
#ФСГОРБ

Фото: Ольга Тимербулатова.