Башкортстанга 600 бала ял итәргә киләчәк

Башкортстанның балалар лагерьларында быел җәй Луганск һәм Донецк халык республикаларыннан 600 бала ял итәчәк һәм сәламәтлекләрен яхшыртачак. Бу хакта Хөкүмәтнең ЦУРдагы атналык оператив киңәшмәсендә республиканың мәгариф һәм фән министры Илдар Мәүлетбирдин хәбәр итте.
"2025 елның җәйге сәламәтләндерү кампаниясе чорында, алдагы еллардагы кебек үк, безнең тарафтан Луганск Халык Республикасы һәм Донецк Халык Республикасы балаларының ялы оештырыла, анда 600 бала һәм 50 озатып йөрүче өлкәннәр катнаша", — диде ул.
Аның сүзләренә караганда, Луганск Халык Республикасыннан балаларның беренче килүе 19 июньгә планлаштырылган. Башкортстанга ял итәргә 96 бала һәм 8 озата баручы өлкән кеше киләчәк. Алар барысы да Мәләвез районында урнашкан «Дружба» спорт-сәламәтләндерү комплексы базасында урнаштырылачак.