Фестивальгә рәхим итегез!

“Айда/Әйҙә играть” Бөтенрусия уеннар һәм уенчыклар фестивале кунакларын беренче көнне нәрсә көтә?

Уфада Совет мәйданында уенчыклар җитештерүчеләр һәм һөнәрчеләр күргәзмәсе эшли башлады.  Көн дәвамында балаларны һәм өлкәннәрне төрле мавыктыргыч чаралар көтә. Биредә уеннар, уенчыкларның тест-драйвы, тематик конкурслар, мастер-класслар, анимацион программалар, спектакльләр һәм спорт турнирлары узачак.

Фестивальнең төп сәхнәсендә 16.00 сәгатьтә мәдәни программа старт ала. Башкортстанның Мостай Кәрим исемендәге Милли яшьләр театры Корней Чуковскийның танылган әсәре "Айболит һәм Бармалей" буенча мюзиклы балаларны шатландырачак.

17.00 сәгатьтә “Дурацкий цЫрк” — бөтен дөнья буйлап фестивальләрдә еш катнашкан “Высокие Братья” клоунада урам театрыннан спектакль-тамаша башлана. Программада жонглерлау, моноциклда эквилибр, урындыкларда баланс, импровизация һәм тамашачы белән фокуслар булачак.

18.00 сәгатьтә төп сәхнәдә фестивальнең махсус кунагы - Amirhik (Әмирхан Батабаев) концерты булачак.

19.00 сәгатьтә тамашачылар “Спокойной ночи, малыши!” һәм аның алып баручысы Антон Зорькин белән очрашачак.

Союзмультфильм мәйданчыгында фестивальнең нәни кунаклары белән көне буе озын буйлы курчаклар - Винни-Пух һәм Пятачок күңел ачачак.

11.00 сәгатьтән балаларны 3D-модельләштерү, кәгазь һәм пластилинография техникасында анимация, помпоннардан уенчыклар ясау буенча мастер-класслар сериясе көтә.

Акмулла сәхнәсендә дә программа бай булачак. Башкорт дәүләт курчак театры тамашачыларга “Курчак кухнясы” күңел ачу-мәгариф интерактив спектаклен тәкъдим итә. Башлану вакыты 10.00 сәгатьтә.

Фестиваль кысаларындагы чаралар буенча тулырак  мәгълүмат белән чараның рәсми сайтында танышырга мөмкин https://айдаиграть.балалар / programma-mezhdunarodnoj-knizhnoj-jarm/ һәм телеграм-каналда. 0+