Иярләгән кәҗәкәйдә җилдереп кенә!

Иглин районының Урман авылындагы бу кечкенә кызны видеога күршеләре төшереп алган.  Ул көн саен иртән кәҗәләрне якындагы болынга куа икән. Тик җәяү дә, велосипедта да түгел – кәҗә тәкәсенә атланып!

Аны видеога төшерүчеләр белдерүенчә, каникул башында кәҗәкәй бик карышкан. Ә хәзер инде үз язмышы белән килешкәнме, кызны тыңлый, җилдертеп кенә алып бара, ә кичтән өйгә алып кайта.

Ә сезнең каникуллар ничек уза, дуслар?

Фото: видеодан скрин