Балаларым миннән бәхетлерәк булсын!

Кайвакыт тормыш алдыңа шундый сынаулар куя, аларны ялгызың гына җиңеп тә булмый. Әгәр янәшәдә сиңа ышанучы һәм адым саен ярдәм итүче кешеләр бар икән — барысы да яхшы якка үзгәрергә мөмкин.

Сезне таныштырасы Ващенколар гаиләсе тарихы — чын күңелдән үзгәрергә теләү һәм белгечләрнең кайгыртуы балаларны өйләренә кайтара алуының ачык мисалы.

Илмирага — 36 яшь, ул алты бала әнисе. Аңа күп авырлыклар аша үтәргә туры килгән вакытлар да була, һәм балалар вакытлыча приютка эләгә. Ләкин Илмира кулын төшерми, өйдә балалар көлүе яңгырасын өчен барысын да кире кайтарырга тели.

Бу тормышта ул ялгызы калмый. Башкортстанда Бала хокуклары буенча вәкаләтле вәкил Ольга Панчихина гаиләгә ярдәм күрсәтү буенча эзлекле, төгәл координацияләнгән эш оештырырга булыша. Стәрлетамак районы опека һәм попечительлеге, КДНиЗП белгечләре, «Гаилә» үзәге белгечләре психологик ярдәм күрсәткән, социаль ярдәм чараларын рәсмиләштерүдә булышкан, көнкүреш мәсьәләләрен хәл итүдә катнашкан.

Иң мөһиме — Илмира янә балалары белән бергә! Ә бу нәтиҗәне саклап калу өчен эш дәвам итә: Илмира психологка йөри, һәрвакыт белгечләр белән элемтәдә тора һәм гаилә яңалыклары белән рәхәтләнеп уртаклаша.

Аларның уңайлы фатиры яңадан балалар көлүеннән яңгырап тора. Илмира диңгезгә бару турында хыяллана — балачак хатирәләре калсын өчен балалары белән бергәләп ялга барырга тели.

«Мин балаларымның язмышы минекеннән яхшырак булуын телим", — ди ул. Һәм шулай булыр да. Чөнки иң мөһиме — ярдәм сорарга курыкмаска һәм иңбашларын куярга әзер булган кешеләргә ышанырга кирәк.

Фото: Гаилә, хезмәт һәм халыкны яклау министрлыгы сайтыннан.