Биш бала гаилә җылысы тоеп үсә

Караидел районының Абдулла авылында Булат Гата улы һәм Айгөл Галимҗан кызы Мөхәммәтовларның күпбалалы гаиләсе яши. Аларның өендә һәрвакыт шатлыклы балалар тавышы гөрләп тора. Биредә биш бала: бер үз кызлары һәм тәрбиягә алынган дүрт бала үсә, аларның һәркайсы кайгыртучанлык һәм йөрәк җылысы белән әйләндереп алынган.

Өлкәннәре —Алмаз, Алинә, Илнар һәм Эллари — әти-әниләрен мәктәптәге уңышлары һәм яхшы билгеләре белән сөендерә. Кечесе Милана балалар бакчасына бик теләп йөри.

Айгөл Галимҗан кызы үзен тулысынча балаларга багышлаган: дәресләрен хәзерләргә булыша, хуҗалык эшләрен алып бара, балаларында игелек, намуслылык һәм гаделлек тәрбияли.

Булат Гата улы гаиләнең ышанычлы таянычы, хөрмәтле кеше, үз үрнәге белән балаларга үз-үзләренә ышаныч, хезмәт сөючәнлек һәм югары максатларга омтылырга өйрәтә.

Бу гаиләдә көндәлек эш кенә түгел, рухи кыйммәтләр дә мөһим. Мөхәммәтовлар бергә походларга йөри, спорт белән шөгыльләнә, мәчеткә һәм мәдәни чараларга йөри. Балалар традицияләргә хөрмәт, актив ялга һәм спортка мәхәббәт белән үсә. Кичләрен алар бәйләп, китап укып яки кроссвордлар чишеп үткәрә.

Биредә һәр бала үзен кирәкле, яраткан һәм якланган итеп тоя. Мөхәммәтовлар гаиләсе —мәхәббәт, үзара ярдәмләшү һәм хезмәтнең чын могҗизалар эшли алуының тере үрнәге.

Фото: Гаилә, хезмәт һәм халыкны яклау министрлыгы сайтыннан.