Яугирнең улы туган!

Башкортстаннан СВОда катнашучы "Татарин" позывнойлы якташыбызның гаиләсендә шатлыклы вакыйга булган. Шушы көннәрдә аның улы туган. Сабыйга Әскар дип исем кушканнар.

Бәхетле әти-әнигә туу турындагы таныклыкны республиканың Архангель районы ЗАГС бүлегендә биргәннәр.

Әскар – яугирнең гаиләсендә өченче бала. Аларның шулай ук Ралина һәм Ранэлия исемле кызлары үсеп килә.

Нарасыйга бәхетле, әти-әниле, тигез канатлы булып үсүен телик!

Фото: Юстиция эшләре буенча дәүләт комитеты матбугат хезмәте