Бәхетләре икеләтә артты!

Яңавыл шәһәрендә яшәүче Шагалиевлар гаиләсе күпбалалы гаилә статусы алган.  27 февралендә Илзида Тумрис кызы һәм Азамат Азат улының игезәк уллары – Риназ белән Алмаз дөньяга килгән. Ә өч яшьлек Айлина түземсезлек белән энеләренең тууын көткән.

Яңавыл районы ЗАГС бүлегендә бәхетле әтине гаиләләрендәге күркәм вакыйга белән котлап, улларының тәүге документларын – туу турында таныклыклар тапшырганнар.

Республикабызда күпбавлалы гаиләләр арту шатлыклы күренеш. Сабыйларга әти-әни мәхәббәтен тигез тоеп, акыллы, игелекле, тырыш егетләр булып үсәргә насыйп булсын!

Фото: Юстиция эшләре буенча дәүләт комитеты матбугат хезмәте.