Сабыйлы өй – нурлы өй!

Гафури районында яшәүче Динара Мидхәт кызы һәм Рәдиф Айрат улы Әхмәдовларның күпбалалы гаиләсендә алтынчы сабыйлары туган. Әти-әнисе улларына Имран дип исем кушкан.

Кечкенә энеләрен өйдә  абый-апалары – Рамазан, Данияр, Нурия, Дания һәм Әдилә көтеп алган.

Гаиләгә улларының беренче документын тантаналы шартларда район ЗАГСында тапшырдылар, дип хәбәр итте Дәүләт юстиция комитеты рәисе Владимир Спеле.

Кечкенә Имранга әти-әни назын тоеп, бәхетле бала булып үсүен телик!

Фото: Дәүләт юстиция комитеты матбугат хезмәте