Шоколад суыткыч белән дус түгел

Шоколадны суыткычта сакларга ярамый. Сез моны белә идегезме, дуслар?! Бу ризык дымлылык яратмый. Складларда ул 70-75 процент дымлылык булган шартларда саклана. Ә суыткычта ул 99 процентка җитә.

Суыткычта сакланган шоколадның ике-өч көннән соң өсте күгәрек сыман төс белән каплана. Гадәттә, ул ризык искергән, саклану шартлары сакланмаган вакытта шундый төскә керә.

Шуңа да бу татлы ризыкны өй температурасында сакларга кирәк.