Ватцапп төймәле телефоннарда да эшли

Ватцапп мессенджерын төймәле кесә телефоннарында да кулланып булачак. KaiOS операцион системасы ярдәмендә мондый телефоннарда аның төп функцияләре - язышу һәм шалтырату мөмкинлеге була. Бу хакта компаниянең рәсми сайтында хәбәр ителгән.

Телефонга Ватцапп кушымтасын кертү өчен аның оператив хәтере 256 яисә 512 МБ булырга тиеш.

Мәгълүм булуынча, Ватцапп - бүгенге көндә иң популяр мессенджер. Аны миллиардка якын кеше куллана.