Һәр сабый үз телендә... елый

***

ВАЗ-2121 "Нива" автомобиленең исеме иген басуы белән бәйле дип уйлаучылар ялгыша. Чынлыкта, машинага мондый исемне аны уйлап табучы конструкторлар балаларының исемнәреннән төзегән. Дөресрәге, беренче беренче хәрефләрен алганнар. Бер конструкторның кызлары - Наталья һәм Ирина исемле, ә икенчесенең малайлары Вадим һәм Андрей булган. Менә шулай Русиядә "Нива" машинасы барлыкка килгән.

***

Кореядә дөньяга килгән балалар туганда инде 9 айлык була. Ягъни аларның яше ана карынында булган чактан ук санала башлый. Шуңа күрә бу илдәге бала башка илдә шушы ук көнне туган яшьтәшеннән 9 айга өлкәнрәк булып чыга.

***

Чын LEGO конструкторын ясый торган пластикка рентген рәсемнәрендә яхшы күренә торган матдә өстиләр икән. Бу бала очраклы рәвештә аны йотса, табиб детальне күрсен өчен эшләнә.

***

Төрле илдә балалар төрле акцент белән елый. Галимнәр белдерүенчә, алар елау вакытында әти-әниләренең тавышын, интонациясен кабатларга омтыла. Шуңа күрә француз сабыйларының елаганда тавышлары акрынлап көчәя бара, ә немец милләтеннән булган балалар кинәт кычкырып елап җибәрә һәм аннан тавышлары түбәнәя төшә икән.

***

Алты айга кадәр сабыйлар тумыштан йөзү, сулыш алуны тоткарлый белү сәләтенә ия. Аннан соң аларга бу күнекмәләргә яңадан өйрәнергә туры килә.