"Өч таган" — көтеп алынган фильм!

Фильм Башкортстанның халык шагыйре Мостай Кәримнең 100 еллыгына багышланган юбилей чараларында катнашучылар өчен "Родина" кинотеатрының ике залында берьюлы күрсәтелде. Премьерага Башкортстанның мәдәни җәмәгатьчелеге — язучылар, кинематографистлар, журналистлар, Мостай Кәрим гаиләсе әгъзалары, җитәкчелек вәкилләре, бәйрәм чараларының хөрмәтле кунаклары җыелды.

Фильмны яшь режиссер Айнур Әскәров куйган.

— Бу көннәрдә Мостай Кәримгә тагын бер зур бүләк эшләнде. Фильмның туган җиребездә эшләнүе белән аеруча горурланам. Әлеге фильм безнең яшь башкаручыларга юл бирер дип ышанам — сез шундый талантлы командада эш башлыйсыз", — дип мөрәҗәгать итте картинаны төшерүчеләргә шагыйрьнең кызы Әлфия Кәримова.