Исәнлеккә-саулыкка!

Русия Сәламәтлек саклау министрлыгының штаттан тыш баш психиатр-наркологы Евгений Брюн да бу идеяне хуплавын белдергән.

— Балалар өчен шампан шәрабы сатуны тыю дөрес булыр иде, чөнки бу - алкоголь рекламасы. Мондый эчемлек баланы арытаба алкоголь куллануга этәрергә мөмкин, — дигән Брюн.

Бу башлангычны “Аек Русия” федераль проекты вәкилләре дә хуплый.

— Бүген безнең яшьләр кулында күптән инде "балалар" шампан шәрабы түгел, наркологлар чын эчкече балаларны терки. Шул ук вакытта илдә эчкечелек белән авыручы балаларны тернәкләндерү өчен бер генә программа да юк, — ди проект җитәкчесе Солтан Хәмзәев.

Билгеле булуынча, кичә депутат Виталий Милонов Русиядә балалар шампан шәрабын сатуны чикләргә тәкъдим итте. Ул моны андый шампан шәрабының һәм тәмәкенең балаларга зыян китерүе белән аңлата.