+9 °С
Болытлы
Журналга язылу
Барлык яңалыклар
Беләсең киләме?
15 ноябрь 2019, 12:05

Ашауның да тәртибе бар

Дуслар! Сез табын янында үзегезне тоту кагыйдәләрен беләсезме? Әйтик, торт кисәген ничек дөрес итеп ашарга? Түбәндәге киңәшләргә колак салыгыз.

  • Табын янында тәртип һәм матурлык булсын дисәгез, савыт-саба чиста һәм күркәм булырга тиеш.
  • Кәгазь салфеткаларны — махсус савытка, чүпрәк салфеткаларны тәлинкә янына куялар.
  • Ашны суытыр өчен тәлинкәгә я кашыкка өреп утыру бер дә матур түгел. Шуңа күрә әкрен генә болгатып, суынганын көтегез. Тәлинкәдә аш әз калгач, аны сул кул белән чак кына күтәреп, табын ягына янтайталар.
  • Турап пешерелгән итне, яшелчә, бәрәңге, макарон кебек ризыкларны чәнечке белән (пычаксыз), чәнечкене уң кулга тотып ашыйлар.
  • Зур кисәкле итне ашаганда чәнечке — сул, ә пычак уң кулга тотыла. Тәлинкәдәге ризыкны турап бөтереп, гел чәнечке белән генә эш итү килешми. Ашап туйгач, пычак белән чәнечкене, икесен янәшә, тәлинкәгә куярга кирәк. Саплары уң якка, ә чәнечкенең очы өскә караган булырга тиеш.
  • Икмәкне тәлинкәдән кул белән алалар. Май якканда, икмәкне тәлинкәгә куеп, сул кул бармаклары белән тотып торалар.
  • Чәй болгаткан калакны чынаякта калдырмаска, тәлинкәсенә алып куярга кирәк. Кисәкле шикәрне чынаякка калак белән түгел, кул белән алып салалар.
  • Пирожный, торт кисәген яки башка татлы камыр ризыкларын бал калагы белән ашыйлар. Печеньены кисәкләргә сындырып кабалар.
  • Алма белән грушаны тәлинкәдәге килеш дүрт яки сигез өлешкә кисеп, эчен алалар, кабыгын тазарталар һәм кул белән алып ашыйлар.
  • Мандаринны кул белән тазартып, кисәкләргә аералар.
  • Җиләкне калак белән ашыйлар.
    • Фото: ачык чыганаклардан.
    Читайте нас:

    © 2024 Журнал зарегистрирован 2 мая 2017 года в Федеральной службе по надзору в сфере связи, информационных технологий и массовых коммуникаций. Свидетельство о регистрации ПИ № ФС 77-69583

    Баш мөхәррир: Фаил Камил улы Фәтхетдинов
    Телефон
    (347)272-62-19
    Электрон почта
    Адресы
    450079, Республика Башкортостан, г. Уфа, ул. 50 летия Октября, 13, каб. 612
    Реклама хезмәте
    8(347) 272-62-27
    Редакция
    8(347)272-62-19
    Кабул итү бүлмәсе
    8(347)272-13-61
    Хезмәттәшлек
    8(347)272-62-19
    Кадрлар бүлеге
    8(347) 272-62-27
    Яндекс.Метрика