Казахстанда самолет килеп төшкән...

Владимир Путин Казахстан Президенты Касыйм-Жомарт Токаевка Алма-Атада булган авиаһәлакәткә бәйле рәвештә, кайгы уртаклашу телеграммасын юллады.

“Русиядә туганнарын һәм якыннарын югалтучыларның кайгысын уртаклашалар һәм зыян күрүчеләрнең тизрәк савыгуына өметләнәләр”, – дигән дәүләт башлыгы телеграммада.

Билгеле булуынча, Казахстанда Алма-Атадан Нур-солтанга очучы пассажирлар самолеты, биеклеген югалтып, ике катлы бинага килеп бәрелгән. "Bek Air" авиакомпаниясенең Fokker-100 самолеты җирле вакыт буенча 07:00 сәгатьтә егылып төшкән. Бортта 98 кеше булган, аларның 12се һәлак булган.

Фаҗиганең сәбәпләре ачыклана, тикшерү бара.