Владимир Путин Севастопольдә булды

Русия Кораллы Көчләре баш командующие анда Хәрби-Диңгез Флоты үсеше перспективаларына багышланган экспозицияне карады. Оборона министры Сергей Шойгу, вице-премьер Юрий Борисов һәм училище җитәкчесе Александр Гринкевич озатуында Президент корабларның, коралларның һәм башка техник җиһазларның модельләре белән танышты. Владимир Путинга Арктик, диңгез һәм океан зоналарын, якын диңгез зонасы корабларын һәм минага каршы оборонаны контрольдә тоту судноларын үстерү планнары турында сөйләделәр.

Моннан тыш, дәүләт башлыгына судноларны логистик тәэмин итү буенча билгеләнгән техник әзерлек дәрәҗәсен тәэмин итү өчен программа-аппарат комплексы проектын күрсәттеләр һәм корабның палубасына вертикаль очып, гибрид энергетика җайланмасында пилотсыз һәм пилотлы очу аппаратлары турында мәгълүмат бирделәр.