Яшькелт-сары төстәге көчек күргәнегез бар идеме?

Гыйнвар урталарында социаль челтәрләрдә Американың Төньяк Каролина штатында туган гадәти булмаган көчек турында видеоязма таралган. Көчек башкалардан яшькелт-сары йоны белән аерылып тора. Халк кушаматлы бу бәләкәчнең әнисе — ак овчарка, ә абыйлары һәм сеңелләре ак һәм кара төстәге этләр икән.

Лайм төсендәге көчекне күреп, аның хуҗасы Шайна Стэйми башта бик нык аптырый. Алар гадәти булмаган маэмайга Marvel комиксындагы яшел герой-монстр хөрмәтенә Халк кушаматы бирәләр. Көчекнең аппетиты бик яхшы, ул сәламәт, туганнарыннан бары тик сәер төсе белән генә аерылып тора.

Фото: социаль челтәрләрдән.