Ленин туган көнне ял булырмы?

Ул көнне Конституциягә үзгәрешләр кертү буенча тавыш бирәчәкбез.

Русия Президенты Владимир Путин Федераль җыелышка Юлламасында Конституциягә үзгәрешләр кертергә тәкъдим итте. Төзәтмәләр буенча тавыш бирү 22 апрельгә билгеләнгән. Эш көне булганлыктан, бу көн ял көне дип игълан ителергә мөмкин. Бу хакта “Интерфакс” агентлыгы хәбәр итә.

Президентның матбугат секретаре Дмитрий Песков белдерүенчә, 22 апрель тавыш бирү көнен үткәрү датасы буларак карала, әмма әлегә бу җәһәттән бернинди дә карар кабул ителмәгән. Шулай да хөкүмәттә 22 апрельне ял көне иткән очракта, тавыш бирүдә күбрәк халык катнашачак, дип саныйлар.