Бөрҗәндә мәктәпкә зыян килгән...

Бөрҗән районының Иске Собхангул авылында урта мәктәпнең түбә кыегы җимерелгән.

Гадәттән тыш хәл төнлә булган, шуңа күрә берәү дә зыян күрмәгән. Мәгариф учреждениесе директоры Әхәт Әбдрәхимов әйтүенчә, 19 февральгә каршы төндә бөтен республика буенча аномаль һава шартлары булды.

"Кар яву һәм буран аркасында алгы яктагы асылмалы түбә кыегына юеш кар җыелган. Өелгән кар түбә кыегының җимерелүенә китергән. Әлбәттә, төзүчеләргә дә сораулар күп”, — дигән мәктәп директоры.