Алинә машинасын хәзер үзе йөртәчәк!

Олимпия чемпионы Алина Заһитова машина йөртү буенча имтиханнарны уңышлы тапшырган һәм таныклык алган. Бу хакта спортчы Инстаграм битендә яза. Фигуралы шуу остасына ике ел элек Пхенчхандагы Олимпиадада җиңүе өчен BMW автомобиле бүләк иткәннәр иде.

“Ура! Минем хәзер машина йөртү өчен таныклыгым бар. Миңа юлда йөрү һәм машина йөртү кагыйдәләрен өйрәткән өчен барлык укытучыларга һәм мәктәпкә рәхмәт! Бик борчылсам да, дулкынлануымны җиңә алдым. Ярый әле, күнегүләр арасында кагыйдәләрне онлайн өйрәнү мөмкинлеге булды”, — дип язган Алинә Инстаграмдагы сәхифәсендә.

Фото:mt.sport24.ru