Республика Башлыгы һәм шәһәр башлыгы чыршысы 25 декабрьдә альтернатив форматта узачак. Бу хакта Уфа хакимиятенең мәгариф идарәсе начальнигы Елена Хаффазова мэриянең оператив киңәшмәсендә хәбәр итте.
"Бүләкләр бер көнне тапшырылачак. Боз шәһәрчекләре мәйданнарында әкият геройлары катнашлыгында тамашалар узачак, анда бүләкләр тапшырылачак. Бала бәйрәмдә булмаса, бүләкне өенә илтәчәкләр", - дип хәбәр итте Хаффазова.
Ул шулай ук предприятиеләр һәм мәктәп укучылары катнашкан традицион хәйрия акцияләре турында сөйләде.
"Мәктәпләрдә һәм балалар бакчаларында 198 меңгә якын бала катнашлыгында 29 декабрьгә кадәр Яңа ел бәйрәмнәре узачак. Барлык Яңа ел чаралары да “Роспотребнадзор”ның санитар таләпләрен үтәп, һәр төркем өчен аерым узачак”, — диде Елена Хаффазова.
Фото:sobaka.ru