Элвин Грей имиджын үзгәрткән...

Популяр җырчы Элвин Грей гастрольләр алдыннан имиджын үзгәрткән. Җырчы социаль челтәрләрдәге төркемнәрендә бу хакта пост урнаштырган.  

Популяр артист дредларга үрелгән чәчләр һәм Русия флагы төсендәге куртка киеп төшкән фотолары  астына: "Бүген без гастрольләрне башлыйбыз. Беренче шәһәр – Чистай”, - дип язган.

Тик Радикның иҗатын яратучыларның барысы да аның образын үзгәртүен уңай бәяләмәгән. Комментарийларда:

“Кичер, Радик, ләкин сиңа болай килешми”.

“Шаман...”

“Абау! Нишләдең...”

“Элек син үзенчәлекле идең. Нигә кирәкте инде...” – кебек язулар калдырганнар.

Шулай да аның иҗатын электән күзәтеп баручы, яратучы фанатлары: “ Без сине нинди образда да яратабыз!” - дип яза.

Ә сезгә Элвин Грейный яңа образы ошыймы, дуслар?