Йомраннар нигә сызгыра?

“Кандракүл” табигый паркы хезмәткәрләре беренче йомраннарны күргәннәр. Бу хакта Башкортстан Экология министрлыгының матбугат хезмәтендә хәбәр итәләр.

Йомраннар Кандракүлнең су саклау зонасында, аеруча саклана торган табигый территориядә, ояларыннан чыкканнар.

"Йомран үз оясыннан куркып кына чыкса да, яз килүе турында бик каты сызгырып хәбәр бирә”, – дип билгелиләр ведомствода.

Димәк, җылы яз килүе турында кошлардан гына түгел, бу кызыклы йомраннарның сызгыруыннан да белеп була икән.

Фото: gorobzor.ru