Бүген нервыгыз котырамы?

10-11 июньдә Җир магнит давылы тәэсире астында булачак, дип хәбәр итә Русия Фәннәр академиясенең Космик тикшеренүләр институты белгечләре. Геомагнит дулкыннары дүшәмбе кичендә үк башлана һәм сишәмбе көндез генә басылачак.

Һава торышы сервислары мәгълүматлары буенча, Башкортстанда магнит давылы интенсивлыгы төшке вакытта 3 баллга җитсә, кичке сигезгә 6 баллга җитәчәк. Магнитосфера 2 балл дәрәҗәсенә тәүлек эчендә кайтачак.

Быел иң көчле магнит давылы май аенда булган иде һәм 10 баллга кадәр җитте.