“Бу чын-чынлап фантастика...”

Якташыбыз, билгеле гимнастка һәм телевидение тапшырулары алып баручысы Ләйсән Үтәшева  телеграм-каналдагы сәхифәсендә бик матур фото урнаштырган. Ул 60 ел бергә гомер кичергән дәү әнисе белән дәү әтисенең фотоларын язылучыларына күрсәтте.

"Минем кадерле нәнәем белән картәтием инде 60 ел бергә. Фантастика... Барлык үрнәкләргә дә үрнәк", - дип язган спортчы.

Билгеле булуынча, спорт йолдызының якыннары Әлшәй районының Раевка авылында яши. Ләйсән Утяшева белдерүенчә, ул әбисе белән бабасына Мәскәүгә күченергә тәкъдим иткән, ләкин алар туган йортларын ташлап китүдән баш тарткан. Спортчы газиз кешеләре янына еш кына кунакка кайтырга һәм үзенең балачак мизгелләрен исенә төшерергә ярата.

Билгеле гимнастка шоумен  Павел Воля белән ике бала үстерәләр. Әйткәндәй, уллары Робертка исемне Ләйсәннең нәнәсе киңәше буенча кушканнар. Ә 2015 елда дөньяга килгән кызлары Софиягә исемне спортчы әнисе хөрмәтенә кушкан. Зөлфия Утяшеваны чит илгә сәфәрләрдә еш кына София дип йөрткәннәр.

Фото: Ләйсән Үтәшева, телеграм-канал