Тагын бер озын эш атнасы көтә

Узып ки баручы эш атнасы кыска булды, ә аннан алдагысы 28 октябрьдән 2 ноябрьгә кадәр дәвам итеп, алты көнлек иде. Ел ахырына кадәр русиялеләрне тагын бер озын эш атнасы көтә.

Агымдагы елның декабрь азагында алты көнлек эш атнасы булачак. Ул 23 декабрьдә башлана һәм 28енә кадәр дәвам итәчәк. 29, 30 һәм 31 декабрь – ял көннәре. Аннары Яңа ел каникуллары башланачак.

Шул рәвешле Яңа ел бәйрәмнәрендә 11 көн ял итәчәкбез —29 декабрьдән (якшәмбе) 2025 елның 8 гыйнварына кадәр (чәршәмбе).

Автор фотосы.