Яңа елга кем нинди бүләк көтә?

Уфалылар Яңа ел бәйрәмендә Кыш бабайдан аласы килгән иң кирәкле бүләкләрне атадылар. “SuperJob” сервисы сораштыруы нәтиҗәләре буенча, һәр бишенче шәһәр кешесе өчен иң кирәкле презент — ялга юллама. Тагын 17 проценты акча алырга тели.

Һәр унынчы кеше үзенең иң теләгән бүләге смартфон, планшет яки ноутбук булачагын әйткән. Сорашуда катнашучыларның 8 проценты белем бирү курсларына сертификат алырга тели икән. 7 проценты яңа көнкүреш техникасы турында хыяллана, 6 проценты — косметика, спорт инвентары яки бүләк сертификаты алу турында, тагын шулкадәр үк кеше бүләккә китап алырга тели. Сораштыруда катнашучыларның 5 проценты аларны ювелир бизәнү әйберләре, театрга билетлар, ремонт өчен инструментлар, сәламәтлек өчен товарлар яки интерьер предметлары сөендерер иде, дип сөйләгән. Кием-салымны һәм аяк киеме, алкоголь һәм компьютер уеннарын шәһәр халкының 1 проценты гына бүләккә алырга тели.

Хатын-кызлар ир-егетләрдән ешрак сәяхәт итү, косметика, бүләк сертификатлары һәм китаплар турында хыяллана. Ир-егетләр исә ешрак акча, смартфоннар, спорт өчен товарлар һәм ремонт, төзелеш өчен инструментлар алырга тели.

35 яшькә кадәр катнашучыларның теләгән бүләкләре арасында беренче урында — акча (23 процент). Гаджетларны (12процент), курсларга сертификатларны (10 процент) һәм косметиканы (5 процент) ешрак өлкәнрәк яшьтәгеләр атаган. Ә менә 45 яшьтән өлкәнрәкләр сәяхәт турында ешрак хыяллана икән (26 процент).

Автор фотосы.