Кытайлылар күперне 3D-принтерда басканнар!

Бу дөньяда ниләр генә булмас, диген! Шанхайдагы инновацион паркларның берсендә 3D-принтерда басылган күпер төзелгән. Бетоннан дуга сыман бөгелеп эшләнгән күпер аша паркка ял итәргә килүчеләр йөри дә башлаган инде. Аның озынлыгы —14, ә киңлеге 4 метр тәшкил итә. Бу уникаль корылма борынгы Чжаочжоу күперенең заманча копиясе буларак та билгеле.

Бүген дөньяда 3D-принтерда басылган тагын ике бетон күпер бар. Аларның берсе —Нидерландта (озынлыгы — 8 метр), икенчесе Испаниядә (озынлыгы — 12 метр). 

Фото: i.archi.ru