Яңа ел бәйрәмнәрендә ничек ял итәбез?

Русиядә Яңа ел каникуллары агымдагы  елның 29 декабреннән башланачак һәм 2025 елның 8 гыйнварына кадәр дәвам итәчәк, дип белдерделәр Башкортстанның Гаилә, хезмәт һәм халыкны социаль яклау министрлыгында.

“1, 2, 3, 4, 5, 6 һәм 8 гыйнвар – Яңа ел каникуллары, 7 гыйнвар — Раштуа бәйрәме, эшләми торган бәйрәм көннәре, - дип аңлаттылар министрлыкта. — Ял көннәреннән һәм эшләми торган бәйрәм көннәреннән нәтиҗәле файдалану өчен Русия Хөкүмәтенең агымдагы елның 4 октябрендәге карары белән ял көннәре 4 гыйнвар шимбәсеннән 2 май җомгасына; 5 гыйнвар якшәмбесеннән 31 декабрь чәршәмбесенә күчерелде”.

Яңа елның беренче эш көне пәнҗешәмбе, 9 гыйнварда башлана. Шул ук вакытта декабрьдә соңгы эш атнасы алты көнлек булачак — 23 декабрьдән 28 декабрьгә кадәр.

"Еллык төп яисә еллык өстәмә түләүле отпуск бирелгәндә Хезмәт кодексы мәддәсе нигезендә календарь отпуск көннәре санына эш көне булмаган бәйрәм көннәре кертелми: 1, 2, 3, 4, 5, 6, 7, 8 гыйнварда”, — дип өстәделәр ведомствода.

Автор фотосы.