Көненә ничә кәнфит ашарга ярый?

Яңа ел ул – балалар өчен тәм-томнар бәйрәме. Алар бу бәйрәмдә кәнфитләрнең күп булачагын аңлап, алдан ук көтеп тора. Шулай да әти-әниләр балага сәламәтлеккә зыян китерми генә көн саен ничә кәнфит ашарга яравын белергә тиеш. Бу хакта “Известия” басмасына “СМ-Клиника” балалар эндокринологы Дарья Хайкина сөйләгән.

Сүз гомумән шикәр күләме турында бара, ә аның кайда булуы мөһим түгел. Табиб әйтүенчә, 2-3 яшьлек балаларның шикәр куллануы көненә 13 граммнан да артмаска тиеш.  Бу якынча өч чәй калагы шикәр дигән сүз.  4-8 яшьлек балалар өчен шикәрне көненә 16 грамга кадәр чикләргә кирәк, бу якынча дүрт чәй калагы. 9-13 яшьтә шикәр куллануны көненә 20-25 г га кадәр арттырырга мөмкин, бу якынча 5-6 чәй калагы. 14-18 яшьлек үсмерләр өчен норма – көненә 25-30 грамм, бу якынча 6-7 чәй калагы.

"Мәсәлән, кечкенә кәнфиттә якынча 4-6 грамм шикәр булырга мөмкин, димәк, мәктәпкәчә яшьтәге балаларга көненә бер шундый конфет белән чикләнү яхшырак, кече яшьтәге мәктәп укучылары һәм үсмерләр өчен ике-өч кәнфиткә кадәр арттырырга мөмкин”, – диде Хайкина.

Шул ук вакытта ул кәнфитләрнең һәм башка тәм-томнарның шикәр күләме төрле булуына игътибар итегез, төргәгендәге язуны уку мөһим.

"Яңа ел – балалар өчен тәм-томсыз булмый. Бу вакытта баланың сәламәтлеге турында уйлану һәм кайгырту мөһим. Онытмагыз, шикәр куллануны контрольдә тоту тәм-томны тулысынча тыю дигән сүз түгел, ә чама белү дигәнне аңлата”, – дип йомгаклый сүзен табиб.

Автор фотосы.