Сагынып көттек ел буе!

Уфа, Стәрлетамак һәм Салават шәһәрләренә тиздән  Кыш Бабай поезды киләчәк. 24 декабрьдә Яңа ел составы Стәрлетамакка килеп җитәчәк һәм шул ук көнне күрше Салаватка күчәчәк.

Уфага поезд 25 декабрьдә 11:00 сәгатьтә киләчәк, дип хәбәр итә шәһәр хакимияте.

Бөек Устюгтан Башкортстан башкаласына юл алган Кыш бабай республика халкын  һәм кунакларны якынлашып килүче Яңа ел белән котлау өчен 11:03 сәгатьтә перронга чыгачак.

Тамашачылар өчен  бәйрәм программасы оештырылачак. Ул 10:40 сәгатьтә, поезд килүгә 20 минут кала башлана һәм 14:00 гә кадәр дәвам итәчәк. 16:00 дә Кыш бабай бәйрәм кунаклары белән хушлашу өчен тагын бер тапкыр платформага чыгачак.

25 декабрьдә 10: 30дан 17: 00гә кадәр вокзал яны мәйданындагы парковка ябылачак.

Фото: bashinform.ru