11 ел буена зарыгып көткән очрашу

Украинада 11 ел яшәгән 17 яшьлек Руслан, ниһаять, Башкортстанда яшәүче дәү әнисе янына кайткан. Бу шатлыклы вакыйга турында социаль челтәрләрдә балалар омбудсмены Мария Львова-Белова язган.

“2014 елда Руслан әтисе белән Украинага туганнарына кунакка китә. Баланың әнисе ул вакытта үлгән була. Тик төрле сәбәпләр аркасында алар илгә кире чыга алмый.  Малай әбисе белән Русиядә яшәргә теләгән, әбисе беренчел опека рәсмиләштергән. Һәм менә озак көтелгән очрашу, ниһаять, булды.

Руслан юрист булырга тели, һәм без Башкортстанда Бала хокуклары буенча вәкаләтле вәкил Ольга Панчихина белән бергә колледжга керергә ярдәм итәчәкбез”, — дип хәбәр итә Львова-Белова.

Балалар омбудсмены билгеләвенчә, Русия Тышкы эшләр министрлыгы документлар рәсмиләштерүдә һәм Катарга Украина ягы белән сөйләшүләрдә ярдәм иткән.

"Үсмер инде Нефтекамада әбисендә. Декабрьдә ул миңа ярдәм сорап мөрәҗәгать итте, ул инде өметсезлеккә бирелгән иде. Шәхесне раслау, документлар булмау белән бәйле бик күп кыенлыклар булды. Без бу проблемаларны үзебез генә хәл итә алмас идек һәм Русия вәкиле офисына мөрәҗәгать иттек. Күп кенә ведомстволарның җайга салынган эше дәү әнигә оныгын кайтарырга ярдәм итте", — дип белдергән Башкортстанның балалар омбудсмены Ольга Панчихина.  

Фото: Мария Львова-Белова, ТГ