Кемнәргә акмай ярамый?

Кемнәргә акмай ашауны чикләргә кирәк? Бу хакта  NEWS.ru басмасына терапевт Кристина Заплавнова сөйләгән.

Табиб белдерүенчә, көненә 5-10 граммга кадәр атланмай ашарга мөмкин.

Бу ризыкны артык куллану куркыныч нәтиҗәләргә китерергә мөмкин: инсульт, инфаркт, үпкә артериясе тромбоэмболиясе.

"Акмайны артык күп кулланганда симерү, кан тамырлары атеросклерозы һәм үт куыгында таш авыруы барлыкка килергә мөмкин. Төп сәбәпләр – югары калориялелек һәм ашкайнату трактына шактый зур йөкләнеш бирә торган туендырылган майларның күп булуы”, — дип аңлата табиб.

Артык авырлык, югары холестерин яисә бавыр һәм үт куыгы авырулары булган кешеләргә акмай һәм ул булган продуктларны, мәсәлән, камыр ризыкларын ашарга киңәш ителми. Терапевт  фикеренчә, рационга акмайны бөтенләй кертмәү өчен сәбәп –  кискен панкреатит.

Фото: ТАСС