Бал кортлары кызу эшкә тотынган...

Иглин районында умартачылар соңгы елларда бал кортларының иң иртә бал җыюын видеога төшергәннәр. 7 апрельдә чәчәк атып утырган талны бал кортлары сырып алуын күргәннәр. Кагыйдә буларак, тал балы бал кортлары гаиләсенең яңа, әле генә туган буынын ашату өчен кулланыла.

Элегрәк хәбәр ителгәнчә, 8 апрельдән төбәктә бал кортлары авыруларын һәм бал сыйфатын диагностикалау өчен күчмә лаборатория эшли башлаячак. Беренче тапкыр тикшеренүләр бушлай үткәреләчәк.

Сезнең якларда бал кортлары эшкә тотындымы әле, дуслар?

Видео: Общество пчеловодов Иглинского района