Чәегезгә карлыган яфрагы салыгыз!

Карлыган яфраклары салып әзерләнгән чәй тәмле генә түгел, туклыклы матдәләрнең файдалы чыганагы да. Мондый чәй  иммун системасын ныгытырга, инфекцияләрне булдырмаска һәм холестерин дәрәҗәсен киметергә ярдәм итә. Карлыган яфракларының төп өстенлеге – аларда С витамины күп.

Моннан тыш, карлыган яфраклары организмдагы ялкынсынуны киметергә, баш мие һәм хәтер функциясен яхшыртуга ярдәм итә.

Яфрак җыю өчен иң яхшы вакыт – яз яки җәй башы, алар хуш исле булганда.

Яфракларны пешергәнче агып торган су астында яхшылап юарга кирәк. Аннары яфракларны чәйнеккә салыгыз, чәй, су кушыгыз һәм кайнау кергәнче тотыгыз. Уттан алганнан соң,  5-10 минутка калдырыгыз. Озаграк пешергән саен, карлыган яфрагының исе һәм тәме көчлерәк булачак.

Автор фотосы.