Ашаганнан соң чәй эчәсезме?

Табиб Иван Неумывакин космонавтлар өчен дөрес туклану системасы булдырган билгеле кеше. Ул организм сәгать кебек эшләсен өчен берничә киңәш бирә.

Беренче кагыйдә – ашаганнан соң бернинди сыеклык эчәргә ярамый. Төшке аштан соң ук чәй яки су эчү – иң төп хата, ди табиб. Сыеклык ашказаны сутын сыекландыра. Нәтиҗәдә, ризык эшкәртелми, ә чери. Организм файда  урынына токсиннар, эч кабару, арыганлык ала.

“Иң яхшысы –  ашар алдыннан 30 минут алдан һәм ашаганнан соң ким дигәндә бер сәгатьтән соң гына эчегез”, – ди табиб.

Икенче киңәш  – бик яхшылап чәйнәгез.

"Авыз-ваклагыч. Ашарганы эчәргә кирәк", – ди доктор.

Бер кашык ризыкны авызга капкач, 30-50 чәйнәү хәрәкәте ясагыз. Югыйсә, ашказаны үзенә төшкән ризыктан файдалы матдәләрне алырга азапланып, хәлдән таячак.

Лайфхак: чәйнәгән арада кашык-чәнечкегезне өстәлгә куегыз. Өч тапкыр кимрәк порция белән тамагыгыз тук булачак.

Өченче киңәш – су эчегез.

Чәй, кәһвә, газировка түгел. Алар организмны сусызландыра. Нәтиҗәдә, баш мие эшчәнлеге бозыла, иммунитет төшә.

Суны ничек дөрес эчәргә:

*иртән ач карынга 1-2 стакан су эчеп куегыз;

* ашыйсыгыз килсә, башта су эчегез, вак йотымнар белән. Сезнең ашказаныгыз чүплек түгел.

Ризыкка чәй салмагыз, кисәкләр белән йотмагыз, чиста суны суррогатларга алыштырмагыз. Һәм сез һәрвакыт сәламәт булырсыз.

Автор фотосы.