Бургерларда антибиотик булуы хакмы?

Русия сыйфат системасы экспертлары олысы-кечесе яратып ашый торган бургерларны антибиотик барлыкка тикшергән.

Русиянең иң популяр рестораннарыннан 11 сэднвич тикшерү үткән. Шунысы мөһим, бургерлар өчен тәгаенләнгән булкаларда комплекслы тәмләткечләр — броматлар яисә семикарбазидлар табылмаган, тик бу төр ризыкларның барысында да тозның артык күп булуы ачыкланган.

Сэндвичлар, шулай ук, антибиотик барлыгы-юклыгына да тикшерү үткән. Тикшерү күрсәтүенчә, барлык бургерларда да андый матдәләрнең эзе барлыгы сизелә, тик алар бик аз күләмдә, нормадан артмаган.

Фото: ria.ru