Теплица ишеген төнгелеккә ябасызмы?

Бакчачылык буенча эксперт теплицаны июль аенда төнгелеккә ябарга кирәкме дигән бәхәскә ачыклык кертте. Эксперт сүзләренчә, әгәр теплица ишеген төнгә ябык калдырсаң, иртә таңнан анда һава температурасы гына түгел, дымлылык та күтәреләчәк, бу гөмбәчекләр, бактерияләр һәм вируслы инфекцияләр үсеше өчен уңайлы шарт булып тора. Июльдә теплица даими җилләтелсен өчен ишекне ачык калдыру яхшырак.

Шул ук вакытта кайбер бакчачылар искәртүенчә, әгәр төнгә теплицаны япмасаң, иртән анда томан керергә мөмкин, ә бу — салкын һава һәм югары дымлылык. Нәтиҗәдә помидорларның кайбер сортлары авырый башлый һәм күз алдында чери.

Ләкин томан чоры, кагыйдә буларак, августта, температура үзгәрү аркасында башлана, чөнки төннәр салкыная, ә көндез әле эссе булырга мөмкин. Төннәр салкын булганда, теплица ишекләрен ябу яхшырак.

Автор фотосы.